பிரிட்டனின் 57 வது பிரதமராக இந்திய வம்சாவளியை சேர்ந்த ரிஷி சுனக்(42) சில மாதங்களுக்கு முன் பதவியேற்று கொண்டார்.
அந்நாட்டில் மிக உயர்ந்த பதவியை வகிக்கும் முதல் இந்திய வம்சாவளியை சேர்ந்தவர் என்ற பெருமையையும் கடந்த 200 ஆண்டுகளில் பிரதமராக பதவியேற்றவர்களில் aமிக இளையவர் என்ற பெருமையையும் ரிஷி சுனக் பெற்றவர்.
இந்நிலையில், லண்டனில் சர்வதேச குச்சிப்புடி திருவிழா-2022 என்ற நடன திருவிழா நடக்கிறது.
இந்த விழாவில் 4 முதல் 85 வயது வரை உள்ளவர்கள் பங்கேற்பார்கள். இசைக்கலைஞர்கள், முதியவர்கள் கொண்ட நடன குழுவினர் , மாற்றுத்திறனாளிகள் உள்ளிட்டோரும் பங்கேற்கும் இந்த விழாவில், ரிஷி சுனக்கின் மகள் அனுசாவும், குழந்தைகளுடன் இணைந்து குச்சிப்புடி நடனமாடினார்.
அதேவேளை, தாயார் அக்ஷதா மூர்த்தி மற்றும் ரிஷி சுனக்கின் பெற்றோரும் இந்த விழாவில் பங்கேற்று குச்சிப்புடி நடனத்தை கண்டு ரசித்தனர்.
