அந்த ஊடக அறிக்கையில்,
கொழும்பு, கம்பஹா, புத்தளம் ஆகிய மாவட்டங்களில் தற்போது அமுலில் இருக்கும் ஊரடங்குச் சட்டம் தொடர்ந்தும் எதிர்வரும் 24 ஆம் திகதி செவ்வாய்க்கிழமை காலை 6 மணி வரை அமுலில் இருக்கும்.
அத்துடன் 24 ஆம் திகதி செவ்வாய்க்கிழமை காலை 6 மணிக்கு தளர்த்தப்படும் ஊரடங்குச் சட்டம் பின்னர் மதியம் 2 மணிமுதல் மீண்டும் அமுல்படுத்தப்படும்.
இது போன்று ஏனைய மாவட்டங்களில் 23 ஆம் திகதி திங்கட்கிழமை காலை 6 மணிவரை அமுலில் இருக்கும் ஊரடங்குச் சட்டம் தளர்த்தப்பட்டுப் பின்னர் மதியம் 2 மணிக்கு அமுல்படுத்தப்படும்.
இவ்வாறு அமுல்படுத்தப்படும் ஊரடங்குச் சட்டம் 24 ஆம் திகதி காலை 6 மணிவரை நடைமுறையில் இருக்கும் என்று அறிவிக்கப்பட்டுள்ளது.
இக் காலப் பகுதிகளில் மதுபானசாலைகளை மூடுமாறும் அத்துடன் அத்தியாவசிய பொருட்களை அநாவசிமாக சேகரிக்க வேண்டாம் எனவும் அந்த ஊடக அறிக்கையில் தெரிவிக்கப்பட்டுள்ளது.