கொரோனா இடர்வலயமான கொழும்பு, கம்பஹா தவிர்ந்த ஏனைய இடங்களில் ஊரடங்கு தளர்த்தப்பட்டு, பகுதியளவில் அரச மற்றும் தனியார் நிறுவனங்கள் இயங்க ஆரம்பித்தன.
இந்த பகுதிகளில் இரவு 8 மணிக்கு ஊரடங்கு அமுல்ப்படுத்தப்பட்டு, மறுநாள் அதிகாலை 5 மணிக்கு தளர்த்தப்பட்டு வந்தது. ஊரடங்கு அமுலில் இருந்த கொழும்பு, கம்பஹாவிலும் கட்டுப்பாடுகளுடன் அரசஇ தனியார் நிறுவனங்கள் இயங்க ஆரம்பித்திருந்தன.
இந்த நிலையில் நாளை (17) ஞாயிற்றுக்கிழமை விடுமுறை தினத்தில் மக்களின் தேவையற்ற நடமாட்டத்தை கட்டுப்படுத்த, இன்று (16) இரவு 8 மணிக்கு வழக்கம் போல அமுல்ப்படுத்தப்படும் ஊரடங்கு, நாளை அதிகாலை 5 மணிக்கு தளர்த்தப்பட மாட்டாது. நாளை இலங்கை முழுவதும் ஊரடங்கு அமுலில் இருக்கும்.
கொழும்பு, கம்பஹா தவிர்ந்த ஏனைய மாவட்டங்களில் நாளை மறுநாள் (18) அதிகாலை 5 மணிக்கு ஊரடங்கு தளர்த்தப்படும்.