புதிதாகப் பதவியேற்றுள்ள ஜனாதிபதி கோத்தபாய ராஜபக்ஷ, மணல் வழித்தட அனுமதியை இரத்துச் செய்துள்ளதைத் தொடர்ந்து யாழ்ப்பாணத்தின் தீவகம், அரியாலை, வடமராட்சி கிழக்கு உள்ளிட்ட பல இடங்களிலும் சட்டவிரோத மண் அகழ்வுகள் அதிகரித்துள்ளன.
அதேபோன்று வடக்கு மாகாணத்தின் ஏனைய மாவட்டங்களிலும் இந்தச் சட்டவிரோத மணல் அகழ்வுகள் மேற்கொள்ளப்பட்டு வருகின்றன.
இதனால் பல பாதிப்புக்கள் ஏற்படுவதாகப் பல தரப்பினர்களும் தொடர்ச்சியாகக் குற்றஞ்சாட்டி வரும் நிலையில் இதனைக் கட்டுப்படுத்த நடவடிக்கை எடுக்க வேண்டும் என்றும் வலியுறுத்தி வருகின்றனர்.
இதற்கமைய நாளை மறுதினம் யாழ்.மத்திய பேருந்து நிலையத்தில் நடைபெறும் இந்தப் போராட்டத்தில் கட்சி வேறுபாடுகளைக் கடந்து அனைவரையும் கலந்து கொள்ளுமாறு அழைப்பு விடுக்கப்பட்டுள்ளது.